• 2016 concert fiasta 125 onns musica Falera

  • 1933 Il chor viril alla fiasta da cant sursilvana a Flem

    1933 Il chor viril alla fiasta da cant sursilvana a Flem
  • 2012 concert communabel Jodlerclub Wiesenberg

  • 2013: Laax Fiasta Ceciliana da cant

  • 1949 Il chor viril alla fiasta da cant sursilvana a Glion

  • www.falera.net

Nus engraziein

La 45avla Fiasta da cant sursilvana ei stada ina manifestaziun impressiunonta dalla
forza cantica da nossa regiun. Igl ei stau in di da cultura e da cuminonza. Quei dat
identitad ed identitad dat forza! Las prestaziuns canticas han fatg smarvegliar. Dils 28
chors ch’han schau valetar han 13 in excellent. Quei savess esser in record!

Il comite d’organisaziun ha il desideri sincer d’engraziar als chors per lur cant ed als otg
expertas/experts per lur giudicaments.
Senza sponsurs ein talas fiastas buca pusseivlas d’organisar. A nos sponsurs, fauturs,
donaturs ed allas instituziuns – cheu specialmein alla vischnaunca politica da Falera – e
fundaziuns sco era als mieds da massa – cheu surtut a RTR cun sias squadras da radio,
multimedia e televisiun – nies sincer Dieus-paghi.

Nus engraziein allas uniuns ed als voluntaris – tuttina ca. 350 persunas – per lur
grondiusa lavur avon, duront e suenter la fiasta. Quella fiasta ha ina gada dapli mussau
che Falera ha in fetg bien spért da cuminonza, in che lubescha da far lavur cumina en
moda e maniera seriusa ed efficacia.

E che Sogn Pieder ha manegiau schi bein cun nus vala entginas novenas!

Il comite d’organisaziun dalla 45avla Fiasta da cant sursilvana

Regula Caduff-Blumenthal
Heidi Casutt-Cathomen
Raimund Blumenthal
Gion Cathomen
Ivo Speck
Hans Hoogstrate
Marc Cabrin
Giusep Giuanin Decurtins

sponsurs

 
© Copyright - CHOR VIRIL FALERA | Site by WM