Pigl entir vitg vala in scamond da carrar general. Ultra dil scamond da carrar eis ei scumandau da parcar sin parcadis publics. Quels scamonds ein signalisai all’entrada dil vitg.

Ins astga carrar el vitg mo cun ina lubientscha da carrar corrispundenta e parcar sil parcadi privat. In parcadi public stat a disposiziun all’entrada dil vitg per vehichels senza lubientscha da carrar.

Lubientschas da carrar
Schibein ils habitonts sco ils possessurs da casas ni habitaziuns da vacanzas han il dretg da retrer ina lubientscha. Proprietaris d’habitaziuns da vacanzas che lain vi lur habitaziun ein obligai da procurar per ina lubientscha corrispundenta per lur locataris.

Traffic da lavur
Firmas che han da liquidar lavurs el vitg ston procurar per in taccader per traffic da lavur.

Tut las lubientschas da carrar ston adina vegnir plazzadas bein veseivlas sil paravent (finiastra davon) dil vehichel, era duront il parcar (incl. parcadis privats).

Las lubientschas da carrar san vegnir retratgas tier l’administraziun communala.